«Педиатрия және балалар хирургиясы ғылыми орталығы» дәрігерлері Маңғыстау облысына келді
Қазақстан Республикасы Денсаулық сақтау министрлігінің тапсырмасына сәйкес «Педиатрия және балалар хирургиясы ғылыми орталығы» мамандары Маңғыстау облысына іс-сапармен келді.
Олардың қатарында «Педиатрия және балалар хирургиясы ғылыми орталығы» АҚ басқарма басшысының орынбасары, ҚР ДСМ штаттан тыс бас балалар онколог-гематолог дәрігері Лязат Манжуова, балалар бөлімінің меңгерушісі Гүлмира Алтынбаева, балалар кардиохирургі Гүлжан Сәрсенбаева, Реанимация бөлімінің меңгерушісі, Ақерке Ибраимова, Наталья Ким бар.
«Педиатрия және балалар хирургиясы ғылыми орталығының дәрігерлері Маңғыстау облыстық көпбейінді балалар ауруханасына, “Ана мен бала” перинаталдық орталығына, Ақтау қаласындағы емханаларға, Жаңаөзен қалалық көпбейінді ауруханасы мен Жаңаөзендегі қалалық емханаларға барды. Өңірдің кішкентай тұрғындарына тексеру жұмысын жүргізіп, кеңес берді.
Басты мақсат - халыққа консультациялық көмек беру. Пайда болған сырқат түріне байланысты тексеріс жүргізіп, ем тағайындау. Қажет жағдайда Республикалық медицина орталықтарына жолдама ұсыну жағдайын қарастыру. Сонымен қатар, өңірдің медицина мамандарын ынталандыру, біліктілігін арттыру, педиатр және жалпы тәжірибелі дәрігерлерге әдістемелік қолдау көрсетуді көздейді.
Педиатрия және балалар хирургиясы ғылыми орталығы” АҚ басқарма басшысының орынбасары, ҚР ДСМ штаттан тыс бас балалар онколог-гематолог дәрігері Ляззат Манжуова «Балалар арасында онкологиялық сақтық (онконостороженность у детей)» тақырыбында дәріс жүргізді.
Маңғыстау облысы бойынша балалар денсаулығын қорғау мамандары, балаларға медициналық көмек көрсететін медициналық ұйым педиатрлары, жалпы тәжірибелі дәрігерлер аталған лекцияға қатысты.
Білім деңгейін көтеріп, тәжірибе алмасып, дәріске қатысушылар қауіпті аурулардың алдын-алу бойынша дәрігерлерге сұрақ қойып, пікір алмасты.
